نويت اصلي صرصور دخل لي
هر شلي مخي قعدت افلي
وشوشني قلي شوف القزازه
فيها اللزازه دوقلك شويه ياانت يلي
مصمص شفايفك ماحد شايفك
ومزمز بكاسك روق تمللي
فضلت أفكر اسكر ما اسكر
الله اكبر الفجر بان لي
حليت رباطي من تحت باطي
لا قدرت اطاطي ولا طلت اعلي
صرصور شيطاني قفل وداني

على الضريح
السكه مفروشه
تيجان الفل والنرجس
والقبه صهوة فرس
عليها الخضر بيبرجس
والمشربيه عرايس
بتبكي
والبكا مشروع
من ذا إللي نايم وساكت
والسكات مسموع
سيدنا الحسين ؟

الأولة بلدي
و الثانية بلدي
و الثالثة بلدي
الأولة بلدي باسلطن جو موالي و دا الموصوف
و الثانية بلدي باقول الكلمة بالعالي و ع المكشوف
و الثالثة بلدي ياكنزي و عزوتي و مالي و ملو الشوف
الأولة بلدي باسلطن جو موالي و دا الموصوف
دوا العيــــــــــــــــــــان
و الثانية بلدي باقول الكلمة بالعالي و ع المكشوف
و ف المليـــــــــــــــان

يعيش أهل بلدي
وبينهم ما فيش
تعارف
يخلي التحالف يعيش
تعيش كل طايفه
من التانيه خايفه
وتنزل ستاير بداير وشيش
لكن فى الموالد
يا شعبي يا خالد
بنتلم صحبه
ونهتف .. يعيش

الخط ده خطّي .. و الكلمة دي ليَّ
غطّي الورق غطّي .. بالدمع يا عينيّ
شط الزتون شطّي .. و الأرض عربية
نسايمها أنفاسي .. و ترابها من ناسي
و إن كنت أنا ناسي .. ما حتنسانيش هيّ
الخط ده خطّي .. و الكلمة دي ليَّ
لاكتب على عيني .. يحرم عليكي النوم
و احبس ضيا عيني .. بدموعي طول اليوم
قبل الوفا بديني .. زَي الصلا و الصوم
ده الدين في عُرف الحر .. هم و مذلة و مر
و هموم تجيب و تجُر .. أحزان مخبِيَّة

رجعوا التلامذة
يا عم حمزة للجد تاني
يا مصر إنتي اللي باقية
و انتــــــــــي
قطف الأماني
لا كورة نفعت
و لا أونطة
و لا المناقشة و جدل بيزنطة
و لا الصحافة و الصحفجية
شاغلين شبابنا
عن القضيـــة

في الزمالك من سنين،وف حمى النيل العظيم،قصرمن عصر اليمين،
ملك وحده م الحريم،صيتها اعلى م الآذان،يسمعوه المسلمين
والتتر والتركمان ،والهنود والمنبوذين .
ست فاقت ع الرجال في المقام والاحترام
صيت وشهره وتل مال،يعني في غايه التمام،
قصره يعني هيه كلمه، ليها كلمه ف الحكومه
بس ربك لجل حكمه قام حرمها م الامومه
والامومه طبع ثابت جوا حواء من زمان
تعمل ايه الست جابت فوكس رومي وله ودان
فوكس ده عبقال املتك عنده دسته خدامين
يعني مش موجود في عيلتك شخص زيه ياسماعين

ع المحطه ع المحطه واللي شفته ع المحطه
طلعت الخفه ام شنطه سلم الاتوبيس بنطه
حته ملعب والاكاده في القوام والحسن بطه
هي خشت درجه اولى والكراسي بقت منطه
سابو تانيه وغلب تانيه والقطيع على اولى خطى
اللي يهبش في الجونله واللي يعلى واللي يوطى
|بص واحد م اللي همه دمهم فلفل وشطه
شاف صنايعي في البريمو قال له خش هناك ياسطى
ثانيه انسب للي زيك دي الحقيقه بلاش مغالطه
الاسطى قال له ياعم روق دي الحياه تحب المباسطه
وانت شايف مش مغمض حاجه ملبن حاجه قشطه

يا واد يا يويو
يا مبرراتي يا جبنة حادقة على فول حراتي
آستك لسانك
فارد ولامم
حسب الأبيح يا مهلباتي

يا واد يا يويو يا مهلبية
فوق الصواني
سايحة و طرية
في كل جلسة تلبس قضية
و تخيل عليها أوي يا مشخصاتي

الخواجه الامريكانى
والسماسرة اللى وراه
تخنوا بالكدب ودنه
وعرضوا له مقاس قفاه
فهموه
من غير ما يفهم
ان سوق الشرق مغنم
والخوجه بطبعه مغشم
والمصاري معفرتاه
حب يعمل فيها تاجر
وانطلق

عن موضوع الفول واللحمة صرح مصدر قال مسؤول
ان الطب اتقدم جدا والدكتور محسن بيقول
ان الشعب المصري خصوصا من مصلحته يقرش فول
حيث الفول المصري عموما يجعل من بني ادم غول
تأكل فخده في ربع زكيبه والدكتور محسن مسئول
يديك طاقة وقوة عجيبة تسمن جدا تبقى مهول
ثم اضاف الدكتور محسن ان اللحمه دي سم أكيد
بتزود أوجاع المعدة وتعود على طولة الايد

هنا شقلبان
محطه إذاعه حلاوه زمان
من القاهرة
ومن كردفان
وسائر بلاد العرب
واليابان
ومن فنزويلا
وايضا ايران
ومن أي دار
او بلد مستباحه
بفعل السياحه

هما مين واحنا مين
هما الامر والسلاطين
هما المال والحكم معاهم
واحنا الفقرا المحكومين
حزر فزر شغل مخك
شوف مين فينا بيحكم مين
احنا مين وهما مين
احنا الفعلا البنايين
احنا السنه واحنا الفرض
احنا الناس
بالطول والعرض

لو بدينا بالسلام
يا سلام
قد ايه الروح تميل
و النغم يطلع جميل
و الوتر يوصل كلامه
للقلوب صافي و أصيل
قد ايه
و قد ايه
بس اقول ايه
و لا ايه
السلام دا كلمة خضرة

حبيبي يا مجرم يا سافل
يا دون
يا رب السوابق
يا رد السجون
رزالتك معاهم
ونمك عليهم
دا زائد جنانك
ونعم الجنون
جابولي وجابولك
وياما يجيبوا لنا
لان البلد دي